Då var det dags for siste blogginnlegg! Eg har hatt ein kjempefin praksis i Bymiljøetaten med gjengen i natur- og miljøforvaltingsseksjonen, og det er eg veldig glad for. Alle vi har møtt på har vore veldig kjekke med oss og ikkje minst har veilederane våre hjulpe oss masse med framgangen i arbeidet.
Rapporten vår om forsøpling i Dalaelva i Åsane, og dataane våre frå kartlegginga i Apeltun-vassdraget vil bli brukt vidare for å bekjempe marin plast i elver, vatn og sjø. I tillegg vil våre ord bli brukt på nettsida til kommuna i informasjonen om framande artar. Dette er ein liten, men viktig bit i arbeidet for å nå berekraftsmåla i Bergen kommune, og det gir ei god kjensle på tampen av praksistida!
Eg er litt usikker på kva eg skal gjere i framtida, og skal derfor jobbe og ta eit fag ved sidan av. Mest av alt vil eg prøve å lære meg nyttige ferdigheiter som gjer at eg kan kome ut i relevant jobb utan så kjempemykje meir utdanning. Eg vil gjerne slå eit slag for meir og tidleg praksis i alle typar utdanninger, det er jobb vi utdannar oss for og ein kan like gjerne venne seg til arbeidslivet først som sist. I tillegg er det mange der ute som lærer dårleg av førelesinger og passiv læring, så både praksis, lab og feltarbeid håper eg BIO aldri sluttar med!
![](http://biopraksis.w.uib.no/files/2022/06/276146623_2862236814074224_1384256387573577180_n-225x300.jpg)
Nokre tilbakeblikk frå praksistida.
Kanskje vi sjåast igjen!
– Elin Håskjold